ऊर्जा खबर
काठमाडौँ । साहस ऊर्जा लिमिटेडले ४ वर्षको साधारणसभा एकै पटक गर्ने भएको छ । कम्पनीले आर्थिक वर्ष २०७७/७८, २०७८/७९, २०७९/८० र २०८०/८१ को साधारणसभा एकै पटक गर्न लागेको हो । कात्तिक ४ गतेका लागि तोकिएको साधारणसभामा कम्पनीले प्रस्ताव गरेको ८ प्रतिशत बोनस शेयर र शतप्रतिशत हकप्रद शेयरका विषयमा समेत छलफल गरी पारित गर्ने कार्यसूची रहेको छ ।
कम्पनीले हाल कम्पनीको चुक्ता पूँजी ३ अर्ब ५० करोड रुपैयाँको ८ प्रतिशतका दरले हुने २८ करोड रुपैयाँ बराबरका २८ लाख कित्ता बोनश शेयर आफ्नो शेयरधनीलाई वितरण गर्ने भएको हो । त्यस्तै, बोनस शेयर वितरण गरेपछि पुग्ने कम्पनीको चुक्तापुँजी ३ अर्ब ७८ करोड रुपैयाँको शतप्रतिशतले हुन आउने अर्थात् १ः१ अनुपातमा ३ अर्ब ७८ करोड रुपैयाँको ३ करोड ७८ लाख कित्ता हकप्रद शेयर जारी गर्ने भएको छ ।
त्यस्तै, कम्पनीले बोनस शेयरको कर प्रयोजनाका लागि ०.४२१ प्रतिशतका दरले हुन आउने १ करोड ४७ लाख ३६ हजार ८४२ रुपैयाँ नगद लाभांश समेत वितरण गर्ने भएको छ ।
