विद्युत प्राधिकरणको १४८२ पदपुर्ति गर्न आवेदन माग

काठमाडौं । नेपाल विद्युत प्राधिकरणले बढुवा, आन्तरिक र खुल्ला प्रतिस्पर्धाबाट १४८२ पदपुर्ति गर्न आवेदन माग गरेको छ । प्राधिकरणले विभिन्न रिक्त स्थानमा स्थायी पूर्ति गर्न बढुवा वा लोकसेवा आयोगले लिने खुल्ला तथा आन्तरिक प्रतियोगितात्कम लिखित परीक्षाका लागि आवेदन खुलाएको हो ।

आयोगले लिने खुल्ला तथा  आन्तरिक प्रतियोगितात्कम लिखित परीक्षाबाट ६३३ जनाकाे स्थायी पदपूर्ति गर्न आवेदन माग गरेकाे प्राधिकरणले जनाएकाे छ । प्राधिकरणका अनुसार आन्तरिक प्रतियोतिात्मक परिप्रेक्षको लागि १११ जना र खुल्लामा ५२२ जनाको लागि आवेदन माग गरिएकाे छ ।

खुल्ला तर्फको अधिकृत स्तरमा ७६ जना र सहायक स्तरमा ४४० जनाका पदपुर्ति गर्न आवेदन माग गरेको हो  । यस्तै, सहायकस्तरमा मिटररिडिङ सुपरभाईजरको लागि ३९ जना, लेखापालको लागि ३५ जना, सुपरभाईजर इलेक्ट्रीकलको लागि ६१ जना, सुपरभाईजर मेकानिकलको लागि ७ जना, सुपरभाईजर सिभिलको लागि ५ जना र ड्राफ्टमेन सिभिलको लागि १ जनाको लागि आवेदन माग गरेकाे प्राधिकरणले जनाएको छ ।

सिनियर मिटररिडरको लागि ५८ जना, सहायक लेखापालको लागि ६३ जना, फोरमेन इलेक्ट्रीकलाको लागि ६९ जना, फोरमेन मेकानिकलको लागि १४ जना, फोरमेन सिभिलको लागि ६ जना इलेक्ट्रीसियन इलेक्ट्रीकलको लागि ८१ जना, जुनियर मिस्त्रीको लागि ६ जना र जुनियर टेक्नीसियनको लागि २ जनाका लागि आवेदन खुल्ला गरिएको छ ।

इच्छुक व्यक्तिले असोज २० गतेसम्म र दोब्बर दस्तुर तिरी असोज २७ गतेसम्म आवेदन दिन सक्नेछन् । आवेदकले बायोडाटा, फोटो, नेपाली नागरिकताको प्रतिलिपि तथा समावेशी समूहको हकमा समावेशी प्रमाणपत्र, शैक्षिक योग्यताको प्रमाणपत्र, तालिम, कार्य अनुभव प्रमाणपत्र, चारिक्रिक प्रमाणत्र सहित आवेदन बुझाउनु पर्नेछ ।

यस्तै, प्राधिकरणले ८४९ जना कर्मचारीकाे बढुवा गर्ने भएकाे छ । प्राधिकरणले ज्येष्ठता र कार्यसम्पादन मुल्याङकन र कार्यदक्षता मुल्याङकनद्वारा बढुवा गर्न दरखास्त आह्वान गरेको हो । ज्येष्ठता र कार्यसम्पादन मुल्याङ्नका आधारमा ७११  र कार्यक्षमता मुल्याङ्कनका आधारमा १३८ कर्मचारीकाे बढुवा गर्न आवेदन माग गरेकाे छ । बढुवाकाे लागि असाेज २९ गतेसम्म आवेदन दिन सकिनेछ ।