ऊर्जा खबर
काठमाडौँ । सरकारले नेपाल मौसम विज्ञान विभागलाई ऊर्जा, जलस्रोत तथा सिँचाइ मन्त्रालय अन्तर्गत राख्ने निर्णय गरेको छ ।
शुक्रबार बसेको मन्त्रिपरिषद् बैठकले साविकमा कृषि, वन तथा पर्यावरण मन्त्रालय अन्तर्गत रहेको मौसम विज्ञान विभागलाई ऊर्जा, जलस्रोत तथा सिँचाइ मन्त्रालयअन्तर्गत रहने गरी नेपाल सरकार (कार्य विभाजन) नियमावली, २०८३ संशोधन गर्ने निर्णय गरेको हो ।
मौसम तथा जलविज्ञानसम्बन्धी सूचना जलस्रोत, सिँचाइ, जलविद्युत् तथा ऊर्जा क्षेत्रको योजना र व्यवस्थापनमा प्रत्यक्ष रूपमा उपयोग हुने भएकाले विभागलाई ऊर्जा, जलस्रोत तथा सिँचाइ मन्त्रालयअन्तर्गत ल्याउने निर्णय गरिएको जनाइएको छ ।
त्यस्तै, बैठकले मन्त्रालयकाे प्रशासन महाशाखामा कार्यरत सहसचिव रुद्र सिंह तामाङलाई राजपत्राङ्कित विशिष्ट श्रेणीको सचिव पदमा बढुवा गर्ने निर्णयसमेत गरेको छ ।
