ऊर्जा खबर
काठमाडौं । नेपाल विद्युत प्राधिकरणले ३३/११ केभी नवलपरासीस्थित कावासोती सबस्टेसनको स्तरोन्नतिपछि लोड दिएर चार्ज गरेको छ । प्राधिकरणले ओभर लोडेड सबस्टेसनमा पावर ट्रान्सफर्मरको क्षमता विस्तार गरी स्तरोन्नति गरेर चार्ज गरेको हो ।
विद्युतकाे बढ्दाे माग सम्बाेधन गर्न नयाँ ट्रान्सफर्मर राखेर सबस्टेसनको स्तरोन्नति गरिएको प्राधिकरण पोखरा प्रादेशिक कार्यालय प्रमुख टेकनाथ तिवारीले बताए । उनका अनुसार सबस्टेसनको स्तरोन्नतिपछि जिल्लाको विद्युत वितरण प्रणालीमा सुधार भएको छ । पहिले सबस्टेसन ओभर लोड हुँदा स्थानीय उद्योग सञ्चालनमा समस्या थियो ।
लो भोल्टेज तथा जथाभावी विद्युत लाइन काटिने समस्या थियो । प्राधिकरणको पिटिएसडि आयोजनाअन्तर्गत सबस्टेसनमा २४ एमभिएको ट्रान्सफर्मर राखेपछि समस्या समाधान भएको तिवारीले जानकारी दिए । सबस्टेसन ३ कराेड रूपैयाँ लागतमा स्तराेन्नित गरिएकाे हाे ।
पहिले सबस्टेसनमा ८ एमभिएको ट्रान्सफर्मर थियो । आरके इन्टरनेशनल एण्ड मुडभरी जेभीले सबस्टेसनको स्तरोन्नति गरेको हो । प्राधिकरणले देशभरका ओभर लोडेड सबस्टेसनमा ट्रान्सफर्मर थपी स्तरोन्नति गरेर वितरण प्रणालीको सुधार गर्दै आएको छ ।
.jpg)