ऊर्जा खबर
काठमाडौं । रामेछापमा १९ मेगावाटको दुई जलविद्युत आयोजना निर्माण गरी सञ्चालनमा ल्याएको हिमालय ऊर्जा विकास कम्पनी लिमिटेडले शतप्रतिशत हकप्रद सेयर निष्कासन गर्ने भएको छ । कम्पनीले १ः१ को अनुपातमा हकप्रद सेयर निष्कासन अनुमतिका लागि असार ३१ गते (आइतबार) नेपाल धितोपत्र बोर्डमा आवेदन दिएको छ ।
जारी पूँजी ९९ करोड रकमको १ः१ को अनुपातमा ९९ लाख कित्ता हकप्रद सेयर निष्कानस अनुमतिका लागि बोर्डमा आवेदन दिएको कम्पनीले जनाएको छ । कम्पनीका अनुसार बोर्डबाट स्वीकृत प्राप्त हुने लगतै सेयर निष्कासन गरी बाँडफाँड गरिनेछ ।
कम्पनीले सेयर निष्कासन गरी बाँडफाँड गर्न नबिल इन्भेष्टमेन्ट बैकिङ लिमिटेडलाई बिक्री प्रबन्धक तोकिएको छ । कम्पनीले जारी पूँजी वृद्धि गरेर ३ अर्ब ५० करोड रुपैयाँ पुर्र्याउने निर्णय गरेको छ । प्रस्तावित हकप्रद सेयर बिक्रीबाट प्राप्त हुने सबै रकम बैंकहरुको दीर्घकालीन ऋण भुक्तानीका लागि प्रयोग गरिने कम्पनीले जानकारी दिइएको छ ।
कम्पनीको रामेछापमा १२ मेगावाटको उपल्लो खिम्ती र ७ मेगावाटका माथिल्लो खिम्ती जलविद्युत आयोजना सञ्चालनमा छन् । यी आयोजनाको करिब ६० करोड रुपैयाँको विद्युत खेर गएपछि राष्ट्रिय प्रसारण प्रणालीमा जोडिएको थियो ।
.png)
.jpg)