ऊर्जा खबर
काठमाडौं । नेपाल इन्फ्रास्ट्रक्चर बैंक (निफ्रा) ले आफ्नो सेयरधनी सदस्यहरूलाई चुक्ता पुँजीको ४.२१०५ प्रतिशत नगद लाभांश दिने भएको छ । बैंकको सोमबार (कात्तिक २० गते) बसेको सञ्चालक समितिको बैंठकले सेयरधनीलाई लाभांश दिने घाेषणा गरेकाे हाे ।
चुक्ता पुँजी २१ अर्ब ६० करोड रुपैयाँको ४.२१०५ प्रतिशतले हुन आउने ९० करोड ९४ लाख ६० हजार रुपैयाँ नगद लाभांश घोषणा गरेको बैंकले जनाएको छ ।
लाभांश वितरण गर्न बैंक तथा वित्तीय संस्था सम्बन्धी ऐन २०७३ को दफा ४७ अनुसार नेपाल राष्ट्र बैंक समक्ष स्वीकृतिका लागि अनुरोध गर्ने र बैंकबाट स्वीकृत लाभांशको वितरण साधारणसभाबाट पारित भएपछि हुने पनि बैंकले जनाएको छ ।
बैंकले ऊर्जा, सहरी विकास, यातायात लगायत पूर्वाधार परियोजनामा लगानी गर्दै आएकाे छ ।
