ऊर्जा खबर
काठमाडौं । भारतबाट पेट्रोल र डिजेलको मूल्य बढेर आएको छ । इन्डियन आयल कर्पोरेसन (आइओसी) ले पठाएको पेट्रोलियम पदार्थको नयाँ मूल्य सूचीअनुसार पेट्रोल लिटरमा ८६ पैसा र डिजल लिटरमा ३४ पैसा बढेर आएको छ ।
खाना पकाउने ग्यास एलपी ग्यास र मट्टीतेलको मूल्य भने यथावत रहेको निगमले जनाएको छ । आईओसीले हरेक १५/१५ दिनमा मूल्य सूची पठाउने गरेको छ । सोही अनुसार नेपाल आयल निगमले नेपालमा मूल्य घटाउने वा बढाउने गरेको छ ।
निगमले गत जेठ ३ गतेदेखि डिजेल र मट्टितेलको मूल्य प्रतिलिटर १०/१० रुपैयाँ घटाएको छ । आईओसीले पेट्रोलियम पदार्थको मूल्य घटाएर पठाएपछि निगमले डिजेल र मट्टितेलकाे मूल्य घटाएकाे थियाे ।
अहिले निगमले पेट्रोल प्रतिलिटर १७५ रुपैयाँले बिक्री गरीरहेको छ । यस्तै, डिजेल/मट्टिलेत प्रतिलिटर १५५ रुपैयाँ रहेको छ ।
