ऊर्जा खबर
काठमाडौं । भारतीय आयल कर्पोरेसन (आईओसी) ले पेट्रोलियम पदार्थको नयाँ मूल्य सूची पठाएको छ । आईओसीले बुधबार (कात्तिक ३० गते) नयाँ मूल्य सूची पठाएको हो ।
भारतले पठाएको नयाँ सूचीअनुसार पेट्रोलकाे मूल्य बढेको छ भने डिजेलको मूल्य घटेर आएको नेपाल आयल निगमले जनाएको छ । निगमका अनुसार पेट्रोल प्रतिलिटर ३.१६ रुपैयाँ बढेर आएको छ ।
यस्तै, डिजेलको प्रतिलिटर १.३० रुपैयाँ घटेर आएको छ । अहिले पेट्रोलको मूल्य प्रतिलिटर १८१ रुपैयाँ र डिजेलको प्रतिलिटर १७८ रुपैयाँ छ । नयाँ मूल्य सूचीअनुसार पेट्रोलमा प्रतिलिटर १०.७६ रुपैयाँ नाफा रहेको छ । त्यस्तै, डिजेलको हकमा प्रतिलिटर १०.८३ रुपैयाँ घाटा रहेको निगमले जनाएको छ ।
.jpg)
