ऊर्जा खबर
काठमाडौँ । कास्कीमा ३२ मेगावाटको करुवा सेती जलविद्युत् आयोजना निर्माण गरिरहेको झ्यामोलोङ्गमा हाइड्रो पावर डेभलपमेन्ट कम्पनी लिमिटेडको २२औं साधारणसभा हुने भएको छ । कम्पनीको साधारणसभा आगामी २४ गते (शनिबार) हुने तय भएको हो ।
पोखरा–७ मा हुने साधारणसभामा ५१ लाख कित्ता सेयर निष्कासन गर्ने लगायतका प्रस्तावहरूमा छलफल हुने कम्पनीले जानकारी दिएको छ । सभामा लेखापरिक्षकको प्रतिवेदन सहितको आर्थिक वर्ष (आव) २०७९/८० को वासलात, नाफा नोक्सान हिसाब तथा नगद प्रवाह विवरण सहितको वित्तीय विवरणहरूमा छलफल गरी पारित गरिनेछ ।
आव २०८०/८१ को लेखापरिक्षण कार्यको लागी लेखापरीक्षक नियुक्ति एवं निजको पारिश्रमिक निर्धारण गर्ने सम्बन्धमा पनि छलफल गर्ने प्रस्ताव छ ।
कम्पनीले आयोजना प्रभावित स्थानीय, सर्वसाधारण र वैदेशिक रोजगारीमा गएका नागरिकहरूलाई छुट्याएको सेयर निष्कासन गर्ने भएको हो । सभाले प्रस्ताव पारित गरेपछि निष्कासन अनुमतिका लागि नेपाल धितोपत्र बोर्डमा आवेदन दिइनेछ ।
कम्पनीले कास्कीको माछापुच्छ्रे गाँउपालिकामा ३२ मेगावाटको करूवा सेती जलविद्युत् आयोजना निमार्ण गरिरहेको छ । यो आयोजनाको काम अन्तिम चरणमा पुगेको छ ।
