ऊर्जा खबर
काठमाडौं । सानिमा माई हाइड्रो पावर लिमिटेडले करिब ३१ करोड रुपैयाँ बराबरको बोनस सेयर दिने भएको छ । कम्पनीले आफ्नो सेयरधनी सदस्यका लागि आर्थिक वर्ष २०७९/८० मा आर्जन गरेको नाफाबाट बोनस सेयर दिने घोषणा गरेको हो ।
कम्पनीले चुक्ता पूँजी ३ अर्ब ८ करोड ९२ लाख ५१ हजार रुपैयाँको १० प्रतिशतले हुन आउने ३० करोड ८९ लाख २५ हजार १ सय रुपैयाँ बराबरको बोनस सेयर दिने भएको हो । यसैगरी, प्रस्तावित बोनस सेयरको कर प्रयोजनाका लागि ०.५२६३ प्रतिशतले हुन आउने १ करोड ६२ लाख ५९ हजार २ सय १५ रुपैयाँ नगद लाभांस दिने निर्णय गरेको कम्पनीले जनाएको छ ।
कम्पनीको २२ मेगावाटको माई खोला र ७ मेगावाटको माई क्यासकेड जलविद्युत आयोजना सञ्चालनमा छ । माई खोलाले २०७१ फागुनदेखि र माई क्यासकेडले २०७२ माघदेखि नियमीत विद्युत उत्पादन गरिरहेका छन् ।
.jpg)
