ऊर्जा खबर
.jpg)
काठमाडौं । अप्पर सोलु हाइड्रो इलेक्ट्रिक कम्पनीले आगामी (बैशाख) २२ गतेदेखि साढे १३ लाख कित्ता साधारण सेयर निष्कासन गर्ने भएको छ । कम्पनीले आयोजना प्रभावित स्थानीयका लागि छुट्याएको साधारण सेयर निष्कासन गर्न लागेको हो ।
सय रुपैयाँमा अंकित १३ करोड ५० लाख रुपैयाँ बराबरको १३ लाख ५० हजार कित्ता साधारण सेयर निष्कासन गर्ने तयारी गरेको कम्पनीले जनाएको छ । कम्पनीका अनुसार आयोजना प्रभावित क्षेत्र सोलुखुम्बु जिल्लाको सोलु दुधकुण्ड नगरापालिकाका सम्पूर्ण वडाका बासिन्दाका लागि सेयर निष्कासन गर्न लागिएको हो ।
स्थानीयले छिटोमा जेठ ५ गतेसम्म ढिलोमा जेठ २० गतेसम्म आवेदन दिन सक्नेछन् । कम्पनीको सेयर निष्कासन गरी बाँडफाँड गर्न एनएमबी क्यापिटल लिमिटेडलाई बिक्री प्रबन्धक तोकिएको छ ।
कम्पनीले आयोजना प्रभावित स्थानीका लागि सेयर निष्कासन गरी बाँडफाँड गरी दोस्रो चरणमा सर्वसाधारणका लागि छुट्याएको १९ लाख ५७ हजार ५ सय कित्ता सेयर निष्कासन गर्नेछ ।
कम्पनीको सोलुखुम्बुमा २३.५ मेगावाटको सोलु खोला सञ्चालनमा छ । आयोजनाको काम २०७६ मा पूरा भएर पनि १३२ केभी सोलु कोरिडोर तयार नहुँदा ३३ केभी लाइन मार्फत वैकल्पिक रुपमा राष्ट्रिय प्रसारण प्रणालीमा जोडिएको थियो । अहिले लाइन निर्माण पूरा भएपछि आयोजना पूर्ण क्षमतामा सञ्चालनमा छ ।
