जलविद्युत् आयोजनामा लगानी गर्न १ करोड कित्ता एफपिओ जारी गर्दै बुटवल पावर

काठमाडौं । बुटवल पावर कम्पनीले विभिन्न जलविद्युत् आयोजनामा लगानी गर्न एफपिओ (फरदर पब्लिक अफरिङ) जारी गर्ने भएको छ । कम्पनीले आफ्ना परियोजनामा लगानी गर्न १ करोड कित्ता एफपिओ जारी गर्न लागेको हो ।

प्रतिकित्ता १०० रुपैयाँका दरले प्रचलित ऐन नियम बमोजिम थप सेयर निष्कासन गर्ने तयारी गरेको कम्पनीले जनाएको छ । कम्पनीका अनुसार कम्पनीको मंसिर २९ गते बसेको सञ्चालक समितिको बैठकले एफपिओ जारी गर्ने प्रस्ताव गरेको हो ।

यसैगरी, कम्पनीले आफ्नो सेयरधनी सदस्यलाई ५ प्रतिशत लाभांश वितरण गर्ने प्रस्ताव गरेको छ । आर्थिक वर्ष २०७८/७९ को नाफाबाट लाभांश वितरण गर्ने प्रस्ताव गरेको कम्पनीले जनाएको छ । कम्पनीका अनुसार प्रस्तावित लाभांश अब हुने साधारणसभाले पारित गरेपछि सेयरधनीले पाउनेछन् ।

कम्पनीको १२ मेगावाटको झिमरुक, ९.४ मेगावाटको आँधीखोला, ४ मेगावाटको खुदी र ३० मेगावाटको न्यादी खोला जलविद्युत् आयोजना सञ्चालनमा छन् । यी आयोजनाहरूले हाल निन्तर विद्युत् उत्पादन गरिरहरको छ ।