ऊर्जा खबर
काठमाडौं । दिव्यश्वरी हाइड्रो पावर लिमिटेडले १ बराबर २ को अनुपातमा हकप्रद सेयर निष्कासन गर्ने भएको छ । कम्पनीले पाँच खपन हाइड्रो पावर कम्पनीमा ५१ प्रतिशत लगानी गर्न र बैकहरूबाट लिएको दीर्घकालिन कर्जाको भुक्तानी गर्न सेयर निष्कासन प्रस्ताव गरेको हो ।
२०० प्रतिशत हकप्रद सेयर निष्कासन प्रस्ताव गरेको कम्पनीले जनाएको छ । यसअघि १ बराबर १ को अनुपातमा १०० प्रतिशत हकप्रद निष्कासन गर्ने प्रस्ताव गरेको थियो । तर, असोज २९ गते बसेको सञ्चालक समितिको बैठकले असार १० को प्रस्ताव रद्द गरि अब १ बराबर २ को अनुपातमा हाल कायम चुक्ता पुँजीको २०० प्रतिशत हकप्रद निष्कासन गर्ने प्रस्ताव गरेको हो ।
हकप्रद सेयर निष्कासनबाट प्राप्त हुने पुँजीमध्ये पाँच खपन हाइड्रो पावर प्राली. मा ५१ प्रतिशत लगानी गर्ने तथा बाँकि सबै रकम बैकहरूबाट लिएको दीर्घकालिन कर्जाको भुक्तानी गर्ने कम्पनीले जनाएको छ ।
कम्पनीले हकप्रद सेयर निष्कासन प्रस्ताव अनुमतिका लागि विद्युत नियमन आयोगमा आवेदन दिएको छ । आयोगले स्वीकृति दिएपछि कम्पनीको आगामी साधारणसभाले पारित गर्नेछ । र नेपाल धितोपत्र बोर्डले अनुमति दिएपछि कम्पनीले हकप्रद निष्कासन गर्ने छ ।
कम्पनीकाे ४ मेगावाटकाे सभा खाेलाले नियमित विद्युत उत्पादन गरिरहेकाे छ ।
