ऊर्जा खबर
काठमाडौँ । कुथेली बुखरी स्मल हाइड्रोपावर लिमिटेडले आफ्ना सेयरधनीलाई हाल कायम चुक्ता पुँजीको १० प्रतिशत बोनस सेयर वितरण गर्ने भएको छ । कम्पनीले गत आर्थिक वर्षको मुनाफाबाट उक्त बोनस सेयर र सोको कर प्रयोजनार्थ ०.५२६३ प्रतिशत नगद लाभांश वितरण गर्ने भएको हो ।
लाभांश वितरणको विशेष प्रस्तावलाई कम्पनीले पुस २९ गते डाकेको चौधौँ वार्षिक साधारणसभामा प्रस्तुत गरी पारित गर्ने जनाएको छ । सभाले बैंक वित्तीय संस्थाबाट थप ऋण लिने, प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका साधारण प्रस्तावसमेत पारित गर्ने छ ।
साधारण सभा तथा लाभांश वितरणका लागि कम्पनीले पुस १४ गते बुकक्लोज गर्ने भएको छ । त्यसो हुँदा पुस १३ गतेसम्म नेप्सेमा कारोबार भई कायम हुने सेयरधनीले उक्त लाभांश प्राप्त गर्ने छन् ।
.jpg)
