ऊर्जा खबर
काठमाडौँ । अर्बिट इनर्जी लिमिटेडले साधारण सेयर निष्काशन गर्ने भएको छ । यसका लागि कम्पनीले कुमारी क्यापिटल लिमिटेडलाई धितोपत्र निष्कासन तथा बिक्री प्रबन्धक नियुक्ती गरेको छ । यस सम्बन्धि सम्झौता पत्रमा अर्बिट इनर्जीका महाप्रबन्धक सुदीप खड्का र कुमारी क्यापिटलका प्रमुख कार्यकारी अधिकृत पुष्प शर्माले हसताक्षर गरेका छन् ।
कम्पनीले १०० रूपैयाँ अंकित दरका ५० लाख कित्ता साधारण शेयर आयोजनाप्रभावित क्षेत्रका स्थानीय बासिन्दा तथा सर्वसाधारणका लागि निष्काशन गर्न लागेका हो ।
कम्पनीले संखुवासभा जिल्लाको सभापोखरी गाँउपालिकामा सभा खोला ‘बी’ २१.५ मेगावाट र सभा खोला ‘सी’ ६.३ मेगावाटका जलविद्युत् आयोजनानिर्माण गरिरहेको छ । आयोजनाको निर्माण कार्य करिब ५५ प्रतिशत सकिएको कम्पनीले जनाएको छ ।
भारतको फ्लोवेल इनर्जी प्रालि इटालीको ट्रोएर एजी कम्पनीबाट निर्मित अत्याधुनिक उपकरण जडान गरी अबको १ वर्षभित्र आयोजना सञ्चालनमा ल्याउने कम्पनीले जनाएको छ ।
