ऊर्जा खबर
काठामाडौं । चिलिमे जलविद्युत कम्पनी लिमिटेडले निर्माण गर्न लागेकाे ८१ मेगावाटको बुढीगण्डकी प्राेक जलविद्युत आयोजनाको वातावरणीय प्रभाव मूल्यांकन अध्ययन प्रतिवेदन तयार भएकाे छ । गण्डकी प्रदेशको गोरखा जिल्ला भई बग्ने बुढीगण्डकी खोलामा पहिचान भएको आयोजनाकाे प्रतिवेदन तयार भएकाे हाे ।
तयार भएको प्रतिवेदन स्वीकृतिका लागि वन तथा वातावरणमा मन्त्रालयमा बुझाएको कम्पनीले जनाएको छ । मन्त्रालयले उक्त प्रतिवेदनमा राय/सुझाव माग गरेको छ । मन्त्रालयले आयोजना निर्माण गर्दा पर्ने सक्ने प्रतिकुल असरका बारेमा आयोजना प्रभावित स्थानीय र सर्वसाधारणसँग ७ दिनभित्र राय/सुझाव पठाउन आग्रह गरेको छ ।
आयोजना निर्माण गर्दा सम्बन्धित सरोकारवालाई स्थानीय क्षेत्रको वातावारणमा पर्न सक्ने प्रतिकुल प्रभावका सम्बन्धमा लिखित राय/सुझाव पनि माग गरिएको छ । आयाेजनाले साे क्षेत्रको प्राकृतिक, भौतिक, जैविक, सामाजिक, साँस्कृतिक र आर्थिक प्रणालीमा के कस्तो प्रभाव पर्दछ भनी यकिन गर्न सो क्षेत्रको गाउँपालिका, विद्यालय, अस्पताल, स्वास्थ्य चौकी तथा सरकोराला व्यक्ति वा संस्थासँग लिखित राय सुझाव माग गरिएको हो ।
यो (रन अफ रिभर) प्रकारको आयोजना हो । आयोजना निर्माण गर्दा २४.४४ हेक्टर जमिन आवश्यक पर्नेछ । जसमध्ये १५.५० हेक्टर मनास्लु संरक्षण क्षेत्रको जग्गा र ८.९४ हेक्टर जग्गा निजी आवश्यक पर्ने देखिन्छ । प्रभावितले आगामी एकसाताभित्र आइपुग्ने गरी आफ्नो राय सुझाव पठाउनुपर्नेछ ।
