ऊर्जा खबर
काठमाडौं । भारतको इन्डियन आयल कर्पोरेसन (आईओसी) ले फेरी पेट्रोलियम पदार्थको मुल्य घटाएर पठाएको छ । आइओसीले आज (मंगलबार) पेट्रोलमा प्रतिलिटर १.९४ रुपैयाँ र डिजेलमा ४.८४ रुपैयाँका दरले घटाएर नयाँ मूल्य पठाएकाे हाे ।
एल.पि ग्यास र हवाई इन्धन (आन्तरिक तथा बाह्य) का खुद्रा बिक्री मुल्य भने यथावत नै रहेकाे नेपाल आयल निगमले जनाएकाे छ । निगमले यस अघि असार ३२ गते पेट्रोलमा प्रतिलिटर १५.९५ र डिजेल/मटिट्तेलमा प्रतिलिटर १६.६९ रुपैयाँ घटाएर पठाएको थियो । यसैगरी साउन १६ गते पेट्रोलमा प्रतिलिटर १२.४५ रुपैयाँ र डिजेलमा प्रतिलिटर १६.८० रुपैयाँ घटाएर पठाएको थियो ।
भारतले नयाँ मूल्य पठाए पनि अझै घाटामा रहेको भन्दै निगमले मूल्य समायोजन गरेको छ । हाल पेट्रोलियम पदार्थ प्रतिलिटर १८१, डिजेल/मटिट्तेल १७२, हवाई इन्धन आन्तरिक १९०, हवाई इन्धन बाह्य १ डलर, र एल.पी. ग्यास १८०० मा बिक्री भइरहेको छ ।
भारतीय आयल कर्पोरेसन आइओसीले बक्यौता तिर्न सरकारले नेपाल आयल निगमलाई ८ अर्ब रुपैयाँ ऋण दिने भएको छ । सरकारले ऋण तिर्ने सिमा ५ वर्ष राखेर निगमलाई रकम उपलब्ध गराउने भएको छ ।
राष्ट्रिय बाणिज्य बैंकसँग पनि करिब ३ अर्ब रुपैयाँ ऋण दिने प्रक्रिया अघि बढाएको निगमले जनाएको छ । यस्ले आइओसीलाई भुक्तानी गर्न केही सहज हुनेछ ।
.jpg)
