ऊर्जा खबर
.jpg)
काठमाडाैं । इन्डियन आयल कर्पोरेसन (आईओसी) ले पेट्रोलियम पदार्थको मूल्य घटाएर पठाएकाे छ । आइओसीले पठाएको सूचीअनुसार पेट्रोल र डिजेलको मूल्य घटेर आएको हो ।
डिजल प्रतिलिटर ६.४० रुपैयाँ र पेट्रोल १.९७ रुपैयाँ घटेर आएको नेपाल आयल निगमले जनाएकाे छ। आइओसीले हरेक १५ दिनमा निगमलाई पठाउने नयाँ मूल्यसूची अनुसार पेट्रोल र डिजलको मूल्य यो पटक घटेर आएको निगमले जनाएको छ।
यसअघि मूल्य बढेर आएकाले निगमले पेट्रोल र डिजलको मूल्य प्रतिलिटरमा ३/३ रुपैयाँ बढाएको थियो। अन्तर्राष्ट्रिय बजारमा पछिल्लो समय माग र उत्पादन कटौतीले पेट्रोलियम पदार्थको मूल्य घटबढ भइरहेको छ। सोहीअनुसार आइओसीले नयाँ मूल्य निगमलाई पठाएको हो।
निगमले नेपाल सरकारको ऋण र आइओसीलाई फेब्रुवरी २०२२ मा तिर्नुपर्ने बक्यौता भुक्तानी गरी करिब १६ अर्ब ३० करोड रुपैयाँ तिर्न बाँकी छ । आइओसीको बक्यौता एंव सरकारद्धारा उपलब्ध ऋणको व्यवस्थापना गर्न चुनौति रहेको निगमले जनाएको छ ।
