ऊर्जा खबर
काठमाडौं । कुथेली बुखरी स्मल हाइड्रो पावर लिमिटेडको सेयर आवेदन अवधि थप भएको छ । कम्पनीले प्रभावित स्थानीयका लागि जेठ १९ गतेदेखि खुल्ला गरेको सेयरमा माग बमोजिमको दरखास्त प्राप्त नभएको भन्दै असार ५ गतेसम्मका लागि आवेदन अवधि थप गरेको हो ।
कम्पनीको जारी पूँजी १२ करोड १८ लाख ६७ हजारको १० प्रतिशत अर्थात १ करोड २१ लाख ८६ हजार ८ सय रकम बराबरको सय रुपैयाँ अंकित १ लाख २१ हजार ८ सय ६८ कित्ता सेयर प्रभावित स्थानीयका लागि निष्कासन गरेको कम्पनीले जनाएको छ । कम्पनीका अनुसार आयोजना प्रभावित दोलखा जिल्लाको कालिन्चोक गाउँपालिका वडा नम्बर ९ (साविकको सद्रवती गाविसका सम्पूर्ण वडाहरु तथा भिश्वेर नगरपालिका वडा नम्बर १ (साविकको सुष्पा क्षमतावती गाविसका सम्पूर्ण वडाका स्थानीय बासिन्दाका लागि निष्कासन गरिएको छ ।
प्रभावित स्थानीयले न्यूनतम १० कित्ता देखि अधितम १० हजार कित्ता सम्म आवेदन दिन सकिनेछ । स्थानीयले असार ५ गतेसम्म आवेदन दिन पाउनेछन ।
कम्पनीको सेयर निष्कासन गरी बाँडफाँड गर्न एनएमबि क्यापिटल लिमिटेडलाई बिक्री प्रबन्धक तोकिएको छ । कम्पनीको दोलखा जिल्लाको भिमेश्वर गाउँपालिकामा ९९८ किलोवाट क्षमताको सुस्पा बुखरी साना जलविद्युत आयोजना सञ्चालनमा छन् ।
.jpg)
