ऊर्जा खबर
काठमाडौं । इन्डियन आयल कर्पोरेशन (आइओसी) ले पेट्रोलियम पदार्थको मूल्य घटाएर पठाएको छ । आइओसीले डिजल लिटरमा ८.८ रुपैयाँ र पेट्रोल लिटरमा ९.५१ रुपैयाँ घटाएर पठाएको हो ।
आइओसीले मंगलबार (जेठ २ गते) पठाएको नयाँ सूचीअनुसार पेट्रोल र डिजेलको मूल्य घटेर आएको नेपाल आयल निगमले जनाएको छ । अन्तर्राष्ट्रिय बजारमा कच्चा तेलको मूल्य घटेकोले आइओसीले इन्धनको मूल्य घटाएको हो ।
आइओसीबाट यसअघि मूल्य घटेर आउँदा निगमलाई १५ दिनमा १ अर्ब ६० करोड रुपैयाँ नाफा भएको थियो । अहिले निगमले पेट्रोल प्रतिलिटर १७५ रुपैयाँले बिक्री गरीरहेको छ । यस्तै, डिजेल/मट्टिलेत प्रतिलिटर १६५ रुपैयाँ रहेको छ ।
आईओसीले पठाएको नयाँ मूल्यसूची अनुसार उपभोक्ता मूल्य के हुने भन्नेबारे छलफल र प्रस्ताव तयार भइरहेको निगम जनाएको छ ।
.jpg)
