ऊर्जा खबर
काठमाडौं । सोलार फार्म लिमिटेडले आयोजना प्रभावित क्षेत्रका स्थानीयवासी तथा सर्वसाधारणहरूका लागि प्रतिसेयर १०० रुपैयाँ अंकित दरका २० लाख कित्ता साधारण सेयर निष्कासन गर्ने भएको छ । सेयर निष्कासन तथा बिक्री प्रबन्धकमा कुमारी क्यापिटल लिमिटेड नियुक्त भएको छ ।
बिक्री प्रबन्धकमा कुमारी क्यापिटललाई नियुक्त गर्ने सम्बन्धी सम्झौतापत्रमा सोलार फार्मका अध्यक्ष आशबहादुर गुरुङ (मोहन) तथा कुमारी क्यापिटलका कामु प्रमुख कार्यकारी अधिकृत पुष्प शर्माले हस्ताक्षर गरे । सोलार फार्मका अनुसार हाल कम्पनीको अधिकृत पुँजी ६५ करोड रुपैयाँ, जारी पुँजी ६५ करोड रुपैयाँ र चुक्ता पुँजी ४५ करोड रुपैयाँ रहेको छ ।
सन् २०१७ मा स्थापित कम्पनीले तनहुँ जिल्लाको शुक्लागण्डकी नगरपालिका–५ बेलचौतारामा ५ मेगावाटको सोलार आयोजना निर्माण गरी सञ्चालनमा ल्याएको छ । सन् २०२१ सेप्टेम्बर १४ देखि आयोजनाबाट व्यावसायिक उत्पादन भइरहेको कम्पनीले जानकारी दिएको छ ।
.jpg)
