ऊर्जा खबर
काठमाडौं । हिमालयन हाइड्रो पावर कम्पनीको सेयर आवेदन अवधि थप भएको छ । कम्पनीले कास्कीको मोदी खोलामा निर्माण सम्पन्न १२ मेगावाटको नामार्जुन मादी जलविद्युत आयोजना प्रभावित स्थानीयका लागि खुल्ला गरेको सेयर आवेदन अवधि थप भएको हो ।
कम्पनीले प्रभावित स्थानीयका लागि गत बैशाख २५ गतेदेखि सेयर आवेदन खुल्ला गरेको थियो । कम्पनीले सय रुपैयाँ अंकित ९ करोड रुपैयाँ बराबरको ९ लाख कित्ता सेयर निष्कासन गरेको छ ।
कम्पनीका अनुसार आयोजना प्रभावित क्षेत्र मादी गाउँपालिका वडा नम्बर १,२,३,४,६ र ७ का सम्पूर्ण स्थानीय बासिन्दाका लागि सेयर निष्कासन गरिएको छ । आवेदकले न्यूनतम १० कित्तादेखि अधिकतम १ लाख कित्ता सम्म आवेदन दिन पाउनेछन् ।
कम्पनीको सेयर निष्कासन गरी बाँडफाँड गर्न ग्लोबल आईएमई क्यापीटललाई बिक्री प्रबन्धक तोकिएको छ । स्थानीयका लागि सेयर निष्कासन गरी बाँडफाड पछि दोस्रो चरणमा सर्वसाधरणका लागि निष्कासन गरिनेछ । कम्पनीको कास्कीमा १२ मेगावाटको मोदी जलविद्युत आयोजनाले विद्युत उत्पादन गरिरहेकाे छ ।
