ऊर्जा खबर
काठमाडौं । नेपाल विद्युत् प्राधिकरणले ६६/११ केभी लैनचौर सबस्टेसनबाट प्रवाह हुने विद्युत् सेवा बन्द गर्ने भएको छ । प्राधिकरण, काठमाडौं ग्रिड महाशाखा अन्तर्गतको सबस्टेसनको स्तरोन्नति गर्नु पर्ने भएकोले सबस्टेसनबाट सञ्चालित फिडरको विद्युत् सेवा प्रभावित हुने भएको हो ।
प्राधिकरणले सामाखुशी, ठमेल, किङ्सवे, लाजिम्पाट र पानी पोखरी क्षेत्रको विद्युत् सेवा अवरुद्ध भएको छ । यस क्षेत्रमा विद्युत् आपूर्ति गर्न स्तरोन्नति अवधिभरका लागि भृकुटीमण्डप, कमलपोखरी, डिल्लीबजार, क्षेत्रपाटी, असन, महाबौद्ध, न्यूरोड, पुतलीसडक, गोंगबु, रानीबारी र बालुवाटार क्षेत्रबाट वैकल्पिक व्यवस्था गरिएको छ ।
सबस्टेसन ओभरलोड हुन गएका कारण स्तरोन्नति गर्ने कार्य अगाडि बढाइएको प्राधिकरणले जनाएको छ । सेवा २४ गतेदेखि नै प्रभावित छ । सेवा कात्तिक ४ गतेसम्म प्रभावित हुनेछ । तोकिएको समयअगावै स्तरोन्नतिको काम सम्पन्न भएको निर्धारित तालिका अगावै सेवा सुचारु गर्ने पनि प्राधिकरणले जनाएको छ ।
