ऊर्जा खबर
काठमाडौं । नेपाल विद्युत प्राधिकरणले लामो समयसम्म विद्युत महसुल तिर्न अटेर गरेको करिब १ हजार ग्राहकको लाइन काटेको छ । प्राधिकरणको सिरहा वितरण केन्द्रले महसुल नतिर्ने ग्राहकको लाइन काटेर कारबाही गरेको हो ।
महसुल नतिरेका ९ सय ९१ जना ग्राहकको लाइन काटिएको वितरण केन्द्रले जनाएकाे छ । यी ग्राहकबाट २ करोड ८३ लाख ५० हजार रुपैयाँ उठाउन बाँकी थियाे ।
केन्द्रका अनुसार ग्राहकको लाइन काटेर कारबाही गरेपछि ८ सय २८ जनाले जरीवानासहितकाे २ करोड १ लाख १४ हजार ३ सय ४५ रुपैयाँ बुझाएपिछ लाइन पुन जाेडिएृकाे छ । केन्द्र अन्तर्गत लामाे समयसम्म महसुल नतिर्ने ग्राहकबाट १८ करोड १६ लाख २४ हजार १ सय ७७ रुपैयाँ उठाउनु पर्ने छ । केन्द्रले महसुल नतिर्ने ग्राहककाे लाइन काटी बक्याैता उठाउने कामलाइ तीव्र गतिमा अघि बढाएकाे छ ।
याे अवधिमा केन्द्रले विद्युत चोरी गर्ने १६२ जनालाई पक्राउ गरी कारबाही गरेको छ । उनीहरूबाट १३ लाख २३ हजार १ सय ६३ रुपैयाँ असुल गरिएको छ । वितरण केन्द्र अन्तर्गत ४२ हजार ७ सय ६२ जना ग्राहक छन् । केन्द्रको चुहावाट भने १९.१० रहेको छ ।
