ऊर्जा खबर
.jpg){kind=spacer}
काठमाडौं । विद्युत विकास विभागले एक वर्षको अवधिमा ४४ प्रसारण लाइन आयोजनालाई अध्ययन अनुमति दिएका छन् । विभागले ४०० केभीदेखि ३३ केभी क्षमताका करिब ४ दर्जन आयोजनालाई अध्ययन अनुमति दिएको हो ।
विभागका अनुसार अध्ययन अनुमति पाएका आयोजनाहरू नेपाल विद्युत प्राधिकरण तथा निजी क्षेत्रले निर्माण अघि बढाएका छन । निजी क्षेत्रको निर्माणको चरणमा रहेको, र निर्माणमा जाने तयारीमा रहेको जलविद्युत आयोजनाको विद्युत प्रवाह गर्न अध्ययन अनुमति लिएका छन ।
अध्ययन अनुमतिपत्र जारी भएका प्रसारण लाइनको क्षमता ४०० केभी, २२० केभी, १३२ केभी, ६६ केभी र ३३ केभी छन । ४०० केभी क्षमताका ३, २२० केभी क्षमताका ९, १३२ केभी क्षमताका १४, ६६ केभी क्षमताको १ र ३३ केभी क्षमताका १७ आयोजनाले अध्ययन अनुमति पाएको विभागको तथ्यांकमा उल्लेख छ ।
४०० केभी क्षमताका इनरुवा–अनारमानी प्रसारण लाइनले २०७९ जेठ ६ गते अध्ययन अनुमति पाएको थियो । यो प्रसारण लाइनको अध्ययन अनुमति प्राधिकरणले पाएको हो । यस्तै, अर्को आयोजना पश्चिम सेती–दोदोधारा प्रसारण लाइनको अनुमति राष्ट्रिय प्रसारण ग्रीड कम्पनी लिमिटेड र मुगु–कर्णालीको विद्युत उत्पादन कम्पनी लिमिटेडले आवेदन पाएको विभागले जनाएको छ । यस्तै, अहिलेसम्म १५७ प्रसारण लाइन आयोजनाको अध्ययन भइरहेको छ ।
