बानेश्वर सबस्टेसनको लोड व्यवस्थापन गर्न लगनखेलका २ फिडरको सेवा बन्द

काठमाडौं । नेपाल विद्युत प्राधिकरणले वितरण प्रणालीकाे लाेड व्यवस्थापन गर्न विद्युत लाइन काटिएकाे छ । प्राधिकरण लगनखेल वितरण केन्द्रका २ फिडरकाे लाइन काटेकाे हाे ।

६६ केभी बानेश्वर सबस्टेसनकाे लाेड पाटन सबस्टेसनमा सार्नका लागि विद्युत सेवा अवरुद्ध गर्नु परेकाे वितरण केन्द्रले जनाएकाे छ । वितरण केन्द्रका अनुसार दिउँसाे १२ बजेदेखि ३ बजेसम्म हरिसिद्धी र रेडियाे नेपालकाे सेवा अवरुद्ध हुने भएकाे छ ।  

हरिसिद्धी फिडरकाे सेवा दिउँसाे २ बजेसम्म अवरुद्ध हुँदा रेडियाे नेपाल फिडर ३ बजेसम्म बन्द हुने भएकाे छ । लाेड सार्ने काम सकिएपछि आपूर्ति नियमित हुने वितरण केन्द्रले जनाएकाे छ ।

यसअघि, बिहान चापागाँउ फिडरको सेवा पनि १ घण्टाका लागि बन्द गरिएकाे थियाे । याे फिडरकाे सेवा अहिले सुचारु भइसकेकाे छ । केही दिन यता विद्युतकाे माग बढ्दै गएकाले व्यवस्थापनमा समस्या भइरहेकाे छ । कमजाेर वितरण प्रणालीका कारणा बढ्दाे माग व्यवस्थापनमा समस्या देखिएकाे छ ।

विशेष गरी साँझकाे समयमा जथाभावी लाइन काटिने समस्याले उपभाेक्ता हैरान छन् । काठमाडाैं उपत्यकाकाे माग ३ सय ८० मेगावाट नजिक पुगेकाले प्राधिकरणले लाेड व्यवस्थापन गरेर आपूर्ति नियमित गर्ने प्रयास गरिरहेकाे छ ।