ऊर्जा खबर
काठमाडौं । ऊर्जा, जलस्रोत तथा सिँचाइ मन्त्रालयले इन्जिनियर कपिल आचार्यलाई नेपाल विद्युत प्राधिकरणको सञ्चालक समिति सदस्य बनाएको छ । मन्त्रालयले चेतराज जोशीको कार्यावधि सकिएपछि सिभिल इन्जिनियर आचार्यलाई नयाँ सञ्चालक समिति सदस्य बनाएको हो ।
रुकुम स्थायी घर भएका आचार्य नेपाल इन्जिनियरिङ एशोसिएसनका वर्तमान उपमहासचिव हुन् । उनी १२ मेगावाटको उपल्लो खिम्ती र ७ मेगावाटको माथिल्लो खिम्तीको प्रवर्द्धक हिमालयन ऊर्जा विकास कम्पनीमा आवद्ध छन् ।
जोशीसँगै कार्यावधि पूरा गरेका भक्तबहादुर पुनले पनि प्राधिकरण सञ्चालक समितिमा पुनर्नियुक्ती पाएका छन् । ऊर्जा, जलस्रोत तथा सिँचाइ मन्त्री वर्षमान पुनले उनलाई पुनर्नियुक्ती दिएर अर्को कार्यकालका लागि दोहोर्याएका हुन् । नवनियुक्त सञ्चालक समिति सदस्यहरूले शुक्रबार बस्ने सञ्चालक समिति बैठकमा सहभागी हुने प्राधिकरणले जनाएको छ ।
%20copy.jpg)
