ऊर्जा खबर
काठमाडौँ । नेपाल विद्युत् प्राधिकरणका नवनियुक्त कार्यकारी निर्देशक दीर्घायुकुमार श्रेष्ठले पद तथा गोपनियताको शपथ लिएका छन् । ऊर्जा, जलस्रोत तथा सिँचाइमन्त्री विराजभक्त श्रेष्ठले बुधबार बिहान मन्त्रालयमा कार्यकारी निर्देशक श्रेष्ठलाई शपथ ग्रहण गराएका हुन् ।
उक्त अवसरमा मन्त्री श्रेष्ठले प्रणाली बनाएर निष्ठापूर्वक काम गर्न निर्देशन दिए । उनले मन्त्रालयका निकायहरूसँग उच्च समन्वय गर्न पनि सुझाए । रसुवा बाढीको चुनौतीपूर्ण समयमा कायम मुकाय कार्यकारी निर्देशकको रूपमा सफल कार्यसम्पादन गरेकामा मन्त्री श्रेष्ठले धन्यवाद पनि दिए ।
सपथपछि कार्यकारी निर्देशक श्रेष्ठले बुधबारदेखि नै प्राधिकरण पुगेर आफ्नो पदीय जिम्मेवारी तथा कार्यभार ग्रहण गरेका छन् ।
असोज २ गते बसेको मन्त्रिपरिषद् बैठकले श्रेष्ठलाई कार्यकारी निर्देशक पदमा नियुक्त गर्ने निर्णय गरेको थियो ।
यो पनि पढ्नुहोस् : विद्युत् प्राधिकरणको कार्यकारी निर्देशकमा दीर्घायुकुमार श्रेष्ठ नियुक्त
