ऊर्जा खबर
.jpg)
काठमाडौँ । नेपाल विद्युत् प्राधिकरणले लाइन काटिएका उद्योगमा आजैबाट लाइन जोड्न सुरु गर्ने भएको छ । शुक्रबार बिहान बसेको प्राधिकरण सञ्चालक समिति (बोर्ड) को ९६० औँ बैठकले लाइन जोड्ने निर्णय गरेको हो ।
यसअघि प्राधिकरणले डेडिकेटड र ट्रंक लाइनको बक्यौता महसुल नतिरेको भन्दै ६१ उद्योग मध्ये २४ वटा उद्योगको लाइन काटेको थियो । तर, मंगलबार बसेको मन्त्रिपरिषद् बैठकले बक्यौता महसुल विवाद टुंग्याउन पूर्व न्यायाधीश गिरिशचन्द्र लालको संयोजकत्वमा आयोग गठन गर्दै उद्योगमा काटिएको लाइन जोड्न प्राधिकरणलाई निर्देशन दिएको थियो ।
मन्त्रिपरिषद्को लिखित निर्देशन पाउनसाथ प्राधिकरणले लाइन नजोडेको भन्दै व्यवसायीहरुले असन्तुष्टि जनाइरहेका थिए ।
शुक्रबार भने प्राधिकरणको बोर्ड बैठकले काटिएको लाइन शुक्रबारबाटै जोड्न सुरु गर्ने निर्णय गरेको हो ।
