४० मेगावाटको इखुवा खोलाको क्षेत्र निर्धारण सुझाव माग

काठमाडौं । प्रदेश नम्बर १, संखुवासभाको मकालु गाउँपालिको वडा नम्बर ३ र ४ मा निर्माण हुन लागेको ४० मेगावाटको इखुवा खोला जलविद्युत आयोजनाको वातावरणीय प्रभाव मुल्याङ्कन क्षेत्र निर्धारण गर्न राय÷सुझाव माग गरिएको छ ।

अप्पर अरुण हाइड्रो इलेक्ट्रिक लिमिटेडले निर्माण गर्न लागेको आयोजनाको क्षेत्रधिकार निर्धारण गर्न सरोकारवालासँग राय/सुझाव माग गरिएको हो ।

स्थानीय सरोकारवालासँग आयोजना निर्माण गर्दा पर्न सक्ने भौतिक, जैविक, सामाजिक तथा सांस्कृतिक वातावरणीय प्रभावका सम्बन्धमा राय÷सुझाव मागिएको छ । प्रस्तावित आयोजना जिल्लाको मकालु गाउँपालिका भएर बग्ने इखुवा खोलामा निर्माण हुनेछ ।

पालिकाको नेवारी नजिक ६ मिटर अग्लो र १६.५ मिटर लम्बाइको बाँध निर्माण गरी पानीलाई उपयोग गरिनेछ । पानीलाई ३६११.५ मिटर लामो सुरुङ र १७७०.५ मिटर लामो पेनस्टक पाइपमार्फत सिरुटार नजिकै निर्माण हुने विद्युतगृहमा खसाली ४० मेगावाट विद्युत गर्ने गरी प्रस्ताव गरिएको छ ।