ऊर्जा खबर
काठमाडाौँ । नेपाल विद्युत् प्राधिकरणले विगतमा ट्रंक लाइन र डेडिकेटेड फिडरबाट विद्युत् उपभोग गरेका ४९ उद्योगलाई आगामी कात्तिक ८ गतेभित्र बाँकी विद्युत् महसुल बुझाउन ताकेता गरेको छ । विगतमा पनि पटक-पटक महसुल बुझाउन आग्रह गर्दै आएको प्राधिकरणले आज (बिहीबार) पुन: यस्तो सूचना निकालेको हो ।
प्राधिकरणले यसअघि पनि महसुल बुझाउन ताकेता गर्दै धेरै पटक सूचना निकालिसकेको छ । सूचना निकालेपछि केही उद्योगले तिरेको र अझै धेरैकाे महसुल बाँकी नै रहेको जनाइएको छ । प्राधिकरणले बिहीबार प्रकाशित गरेको सूचनामा तोकिएको समयभित्र महसुल नबुझाएमा कानुनबमोजिम असुल उपर गर्ने चेतावनी समेत दिइएको छ ।
प्राधिकरणले गोरखापत्र दैनिकमा प्रकाशित गरेको सूचनामा बक्यौता महसुल नबुझाएका उद्योगहरूको नाम र उनीहरूले गणना सिटअनुसार बुझाउनुपर्ने थप दस्तुरसहितको बाँकी रकमसमेत सार्वजनिक गरिएको छ । आंशिक प्रिमियम रकम बुझाइसकेकाको हकमा भने रकम समायोजन गरिने जनाएको छ ।
विद्युत् प्राधिकरणले प्रकाशित गरेको सूचना
.jpg){kind=spacer}
