ऊर्जा खबर
काठमाडौं । मोलुङ्ग हाइड्रो पावर कम्वपनीले लिमिटेडले सर्वसाधारणका लागि २२ लाख कित्ता सेयर आवेदन खुल्ला गरेको छ । कम्पनीले सर्वसाधारणका लागि छुट्याएको २२ लाख ६४ हजार ६ सय ५५ कित्ता सेयर आवेदन खुल्ला गरेको हो ।
कम्पनीका अनुसार जारी पूँजीको ३४ प्रतिशत अर्थात २७ करोड २८ लाख ५० हजार रकम बराबरको २७ लाख २८ हजार ५ सय कित्ता मध्येको सय रुपैयाँ २ लाख ७२ हजार ६८ सय ५० कित्ता सेयर वैदेशिक रोजगारीमा गएका नेपाली नागरिकका लागि र ५ प्रतिशत हुन आउने अर्थात १ लाख ३६ हजार ४ सय २५ कित्ता सेयर सामुहिक लागनी कोषका लागि बाँडफाँड गरिएको र २ प्रतिशत हुन आउने अर्थात ५४ हजार ५ सय ७० कित्ता सेयर कम्पनीका कर्मचारीका लागि सुरक्षित गरिएको छ ।
बाँकी, २२ लाख ६४ हजार ६ सय ५५ कित्ता सेयर सर्वसाधारणका लागि निष्कासन गरको हो ।
सर्वसाधारणले न्यूनत्तम १० कित्तादेखि अधिकत्तम ८ हजार कित्ता सम्म आवेदन दिन पाउनेछन् । आवेदकले छिटोमा फागुन १० गतेसम्म र ढिलोमा १८ गतेसम्म आवेदन दिन सकिनेछ ।
कम्पनीले सेयर निष्कासन गरी बाँडफाँड गर्न सन्राइज क्यापिटल लिमिटेडलाई बिक्री प्रबन्ध नियुक्त गरिएको छ । कम्पनीको ओखलढुंगामा ७ मेगावाटको मोलुङ्ग खोला जलविद्युत आयोजना सञ्चालनमा छ । यो आयोजनाले २०६४ चैत १२ गतेदेखि निरन्तर विद्युत उत्पादन गरिरहेको कम्पनीले जनाएको छ ।
.jpg)