ऊर्जा खबर
काठमाडौँ । नेपाल स्टक एक्सचेन्ज (नेप्से) मा सूचीबद्ध मध्ये शुक्रबारसम्म कुल ८ जलविद्युत् कम्पनीहरूले गत आर्थिक वर्ष (आव) को आफ्नो वित्तीय विवरण सार्वजनिक गरेका छन् ।
वित्तीय विवरण सार्वजनिक गर्ने जलविद्युत् कम्पनीहरूमध्ये साहस ऊर्जाले आव २०८२/८३ (२०२५/२६) मा सबैभन्दा बढी रु १.३५ अर्ब खुद नाफा कमाएको छ । कम्पनीको नाफा ५१.८४ प्रतिशतले बढेको छ ।
त्यस्तै, समीक्षा अवधिमा ४२ करोड ५९ लाख रुपैयाँ आम्दानी गर्दै सुपर मादी हाइड्रोपावर दोस्रो स्थानमा रहेको छ । कम्पनीको खुद नाफा करिब ४ गुणाले बढेको छ ।
माण्डू हाइड्रोपावर र श्वेत-गंगा हाइड्रोपावरले पनि क्रमशः ३१ कराेड ८५ लाख र १७ करोड ७३ लाख रुपैयाँ खुद नाफा कमाएका छन् ।
माथिल्लो मैलुङ खोला जलविद्युत्, दिव्यश्वरी हाइड्रोपावर, मनकामना इन्जिनियरिङ हाइड्रोपावर र बुद्ध भूमि नेपाल हाइड्रोपावरले पनि गत आवमा राम्रो वित्तीय प्रगति प्रतिवेदन पेस गरेका छन् ।
