ऊर्जा खबर
काठमाडौं । माउन्टेन इनर्जी नेपाल लिमिटेडले ६१ करोड रुपैयाँ खुद नाफा कमाएको छ । कम्पनीले सार्वजानिक गरेको गत आर्थिक वर्ष २०७८/७९ को वित्तिय विवरण अनुसार खुद नाफा कमाएको देखिएको हो ।
असारसम्मको अवधिमा ६१ करोड ११ लाख २१ हजार ५ सय ३८ रुपैयाँ खुँद नाफा कमाएको कम्पनीले जनाएको छ । कम्पनीका अनुसार नाफा गत वर्षको तुलनामा बढेको देखिएको छ । गत वर्ष कम्पनीले ११ करोड १९ लाख ३९ हजार ६ सय ९३ रुपैयाँ खुँद नाफा कमाएको थियो ।
कम्पनीले यो अवधिमा विद्युत बिक्री गरी १ अर्व २३ करोड ४४ लाख १६ हजार ३ सय ५२ रुपैयाँ आम्दानी गरेको छ । कम्पनीको विद्युत बिक्रीबाट हुने आम्दानी भने बढेको छ । गत वर्ष १६ करोड ८२ लाख १६ हजार ३ सय ४८ रुपैयाँ आम्दानी गरेको थियो ।
कम्पनीको म्याग्दी जिल्लामा रहेको ४२ मेगावाटको मिस्त्री खोला आयोजना सञ्चालनमा छ । यो आयोजनाले २०७८ असारदेखि निरन्तर विद्युत उत्पादन गरिरहेको छ ।
यस्तै, रुरु जलविद्युत परियाेजना कम्पनी लिमिटेडले पनिअसारसम्मको अवधिमा ९ करोड ३० लाख ९० हजार १ सय ८२ सय रुपैया खुद नाफा कमाएको आर्थिक वर्ष २०७८/७९ को विवरणमा उल्लेख छ । कम्पनीका अनुसार नाफा गत वर्षको तुलनामा बढेको हो । गत वर्ष ७ करोड १३ लाख १७ हजार ८ सय २७ रुपैयाँ खुद नाफा कमाएको थियो ।
कम्पनीकोे यो अवधिमा विद्युत बिक्रीबाट हुने आम्दानी बढेको हो । यस अवधिमा विद्युत बिक्री गरी १६ करोड १९ लाख २५ हजार ५ सय ३९ रुपैयाँ आम्दानी गरेको छ । कम्पनीले गत वर्ष विद्युत बिक्री गरी १४ करोड ९६ लाख २६ हजार ४ सय ४३ रुपैयाँ आम्दानी गरेको थियो ।
कम्पनीको गुल्मी जिल्लामा रहेको ५ मेगावाटको अप्पर होंग्दी खोला जलविद्युत आयोजना सञ्चालनमा छ । यो आयोजनाले २०७१ चैत ९ गतेदेखि निरन्तर विद्युत उत्पादन गरिरहेको छ ।
