ऊर्जा खबर
काठमाडौँ । प्रतिनिधिसभाको बैठकले ‘जलस्रोत विधेयक, २०८१ लाई दफावार छलफलका लागि सम्बन्धित समितिमा पठाइयोस्’ भनी प्रस्तुत गरिएको प्रस्ताव सर्वसम्मतीले स्वीकृत गरेको छ । मंगलबार बसेकाे बैठकमा ऊर्जा, जलस्रोत तथा सिँचाइमन्त्री शक्तिबहादुर बस्नेतले उक्त प्रस्ताव प्रस्तुत गरेका थिए ।
बैठकमा प्रधानमन्त्री पुष्पकमल दाहालका तर्फबाट सिँचाइमन्त्री बस्नेतले ‘थारु आयोगको वार्षिक प्रतिवेदन’ पनि पेस गरे ।
बैठकमा राष्ट्रपति कार्यालयबाट प्राप्त मन्त्रिपरिषद्को कार्यभारसम्बन्धी र विधेयक प्रमाणीकरणसम्बन्धी पत्र पढेर सुनाइको थियो । प्रतिनिधिसभाको अर्काे बैठक यही असार २७ गते दिउँसो ४ चार बजे बस्नेछ ।
