ऊर्जा खबर
काठमाडौं । नेपाल विद्युत प्राधिरकरणले विद्युत महसुल नतिर्ने सरकारी निकाय वा अत्यावश्यक सेवा प्रदायकको लाइन काट्ने चेतावनी दिएको छ । प्राधिकरणले लामो समयदेखि बाँकी भएको विद्युत महसुल बक्यौता एक साताभित्र नबुझाए लाइन काट्ने चेतावनी दिएको हो ।
ग्राहककले नियमित रूपमा विद्युत महसुल भुक्तानी नगरेपछि लाइन काटेर कारबाही गर्ने तयारी भइरहेको प्राधिकरण वितरण तथा ग्राहक सेवा निर्देशनालयले जनाएको छ ।
प्राधिकरणले वितरण केन्द्र अन्तर्गतका नेपाल सरकारका सरकारी निकायहरू, अत्यावश्यक सेवा अन्तर्गतका अस्पतालसमेतले आगामी ७ दिनभित्र बाँकी बक्यौता नबुझाए बिना सूचना जुनसुकै समयमा लाइन काट्ने चेतावनी दिएको छ ।
प्राधिकरणका विभिन्न वितरण केन्द्रले विद्युत महसुल नबुझाउने ग्राहकको लाइन काटेर कारबाही गर्दै आएका छन् । प्राधिकरणले प्राधिकरणको विद्युतीय संरचना उपयोग गर्ने सेवा प्रदायकबाट राजस्व उठाउने, बाँकी बक्यौता उठाउने कामलाई तिव्र गतिमा अघि बढाएको छ ।
