ऊर्जा खबर
काठमाडौं । दोर्दी खोला जलविद्युत कम्पनीले सर्वसाधरणमा लागि सेयर आवेदन तथा बिक्री खुलाएको छ । कम्पनीले लमजुङमा निर्माणाधीन १२ मेगावाटको दोर्दी जलविद्युत आयोजनाको सर्वसाधारणका छुट्याएको साधारण सेयर आवेदन खुल्ला गरेको हो ।
सय रुपैयाँ अंकित २१ करोड ९५ लाख ५० हजार ९ सय रुपैयाँ बराबरको २१ लाख ९५ हजार ५०९ कित्ता सेयर निष्कासन गरीएको कम्पनीले जनाएको छ । कम्पनीका अनुसार यसमा आयोजना प्रभावित स्थानीयले नकिनेको २ लाख ९७ हजार ८४० कित्ता सेयरसमेत जारी गर्न लागेको हो ।
निष्कासीत सेयरमध्ये ६५ हजार ८६५ कित्ता आफ्ना कर्मचारीका लागि छुट्याएको छ । यस्तै, १ लाख ९ हजार ७७५ कित्ता सामूहिक लगानी कोषका लागि छुट्याइएको कम्पनीले जनाएको छ । बाँकी रहेको २० लाख १९ हजार ८६९ कित्ता सेयरका लागि सर्वसाधारणले आवेदन दिन पाउने छन ।
कम्पनीको सेयरमा न्यूनतम १० कित्तादेखि अधिकतम १७ लाख कित्तासम्मका लागि आवेदन दिन सकिनेछ । आवेदकले छिटोमा जेठ ३१ गते र ढिलोमा असार ९ गतेसम्म आवेदन दिन सकिनेछ ।
कम्पनीको सेयर निष्कासन गरी बाँडफाँड गर्न सिद्धार्थ क्यापिटल लिमिटेडलाई बिक्री प्रबन्धक नियुक्त गरिएको छ । कम्पनीले साबिक ढोडेनी, फलेनी र बन्सार गाविस, हाल दोर्दी गाउँपालिका दोर्दी खोलाको पानी उपयोग गरी १२ मेगावाट क्षमताको दोर्दी–१ जलविद्युत आयोजना निर्माण गरिरहेको छ । आयोजनाको काम अन्तिम चरणमा पुगेको छ ।
.jpg)
