ऊर्जा खबर
काठमाडौं । माउन्टेन इनर्जी नेपालले आफ्ना सेयरधनी सदस्यका लागि बोनस सेयर र नगद लाभांश दिने निर्णय गरेको छ । कम्पनीको हिजो (२२ गते) बसेको सञ्चालक समितिको बैठकले सेयरधनीलाई १५.७८९५ प्रतिशत बोनस सेयर र नगद लाभांश दिने निर्णय गरेको हो ।
सञ्चालक समितिको निर्णय अनुसार १५ प्रतिशत बोनस र ०.७८९५ प्रतिशत कर प्रयाेजनका लागि नगद लाभांश दिने निर्णय गरेको कम्पनीले जनाएको छ । कम्पनीले लाभांश वितरणका लागि प्रस्ताव पारित गर्न साधारण सभा आह्वान गरेको छ । सभाबाट प्रस्ताव पारित हुने लगतै सेयरधनी सदस्यका लागि लाभांश वितरण गरिनेछ ।
कम्पनीको म्याग्दी जिल्लामा ४२ मेगावाटको मिस्त्री खोला जलविद्युत आयोजना सञ्चालनमा छ । यो आयोजनाले २०७८ असारदेखि निरन्तर विद्युत उत्पादन गरिरहेको छ ।
