ऊर्जा खबर
काठमाडौं । लमजुङमा ६ मेगावाटका दुई जलविद्युत आयोजना निर्माण गरी सञ्चालनमा ल्याएको छ्याङ्दी हाइड्रो पावर लिमिटेडको १ः१ को अनुपातमा हकप्रद सेयर निष्कासन गर्न प्रस्ताव पारित भएको छ । कम्पनीको हिजो बिहीबार (२८ गते) सम्पन्न भएको नवौं वार्षिक साधारण सभाबाट प्रस्ताव पारित भएकोे हो ।
कम्पनीको आठौं वार्षिक साधारणसभाबाट निर्णय भए बमोजिमको ४० प्रतिशत हकप्रद सेयर सम्बन्धि निर्णय रद्द गरी चुक्ता पूँजीको १०० प्रतिशत सेयर निष्कासन गर्न लागेको कम्पनीले जनाएको छ । कम्पनीका अनुसार चुक्ता पूँजी ३८ करोड ६९ लाख ७७ हजार ५ सय रुपैयाँको १०० प्रतिशत हकप्रद सेयर निष्कासन गर्न लागिएको हो ।
कम्पनीको ६ मेगावाटको २ जलविद्युत आयोजनाले विद्युत उत्पादन गरिरहेका छन् । ४ मेगावाटको माथिल्लो छ्याङदीले गत मंसिर २४ गतेदेखि व्यापारीक उत्पादन सुरु गरेको हो । २ मेगावाटको छ्याङदी खोला सानाले लामो समयदेखि विद्युत उत्पादन गरिरहेको छ ।
