ऊर्जा खबर
काठमाडौं । नेपाल आयल निगममा रोजगारीको अवसर खुलेको छ । निगमले कार्यकारी निर्देशक पदका लागि आवेदन खुलाएको हो ।
कार्यकारी निर्देशकको रिक्त पदपूर्ति गर्न आवेदन खुलाएको निगमले जनाएको छ । निगमका अनुसार कार्यकारी निर्देशकका लागि निगमको कार्यप्रकृतिसँग सम्बन्धित विषय वा प्रशासन, व्यवस्थापन, अर्थशास्त्र, इन्जिनियरिङ वा कानुन विषयमा कम्तिमा स्नातकोत्तर तह उत्तीर्ण गरेको र व्यवस्थापकीय जिम्मेवारीको पदमा कम्तिमा पाँच वर्षको अनुभव भएको हुनुपर्नेछ ।
इच्छुक व्यक्तिले आगामी २१ दिनभित्र प्राप्त हुने गरी आवेदन पेश गर्नुपर्नेछ ।आवेदकले शैक्षिक योग्यता, अनुभव, नेपाली नागरिकताको प्रतिलिपी, बायोडाटा, पासपोर्ट साइजको दुईप्रति फोटो र निर्देशिकाको दफा ४ बमोजिमको व्यवसायिक कार्ययोजना (पाँच हजार शब्दमा नबढ्ने) पेश गर्नुपर्नेछ ।
इच्छुक आवेदकले उद्योग, वाणिज्य तथा आपूर्ति मन्त्रालयको प्रशासन तथा संस्थान महाशाखामा पाँच हजार रुपैयाँ सहित आवेदन दिन सक्नेछन् । यसअघि निगमको कार्यकारी निर्देशकमा सुरेन्द्र पौडेलले थिए । उनको तीन वर्ष कार्यकाल पूरा गरी बाहिरिएसँगै कार्यकारी निर्देशक छनोट तथा सिफारिस समितिले आईतबार एक सूचना जारी गर्दै आवेदन मागेको हो ।
