ऊर्जा खबर
काठमाडौं । भारतीय आयल कर्पोरेसन (आईओसी) ले पेट्रोलियम पदार्थको मूल्य घटाएर पठाएको छ । आइओसीले बिहीबार (मंसिर १५ गते) पठाएको सूचीअनुसार पेट्रोल र डिजेलको मूल्य घटेको छ भने खाना पकाउने एलपी ग्यासको मूल्य भने बढेर आएको हो ।
आईओसीले पठाएको मूल्य सूची अनुसार पेट्रोल प्रतिलिटर २.३८ रुपैयाँ, डिजेल ११.२६ रुपैयाँ घटेर आएको निगमले जनाएको छ । यस्तै, ग्यासको मूल्य भने प्रति सिलिन्डर ४५ रुपैयाँ बढेर आएको छ ।
नयाँ मूल्यसूची अनुसार निगमलाई पेट्रोलमा प्रतिलिटर १३ रुपैयाँ र डिजेलमा ५३ पैसा नाफा रहेको छ । ग्यासमा भने अझै प्रतिसिलिन्डर २७७ रुपैयाँ घाटा हुन पुगेको निमगले जनाएको छ । मूल्य घटेर आएपनि अहिलेको मूल्यलाई यथावत राख्यो भने १५ दिनमा ५३ करोड रुपैयाँ नाफा हुने निगमको अनुमान छ ।
.jpg)
