ऊर्जा खबर
काठमाडौं । लमजुङस्थित ७० मेगावाटकाे मध्य मर्स्याङदी जलविद्युत केन्द्रका प्रमुख शिवकुमार साहको निधन भएको छ । काेराेना (काेभिड–१९) संक्रमित भएका उनकाे बुधबार बिहान ८ बजे निधन भएको हो ।
कोरोना संक्रमित भएका साहकाे ललितपुरकाे मेडिसिटी अस्पतालमा उपचारका क्रममा निधन भएकाे जलविद्युत केन्द्रका लेखा अधिकृत नारायणराज विष्टले बताए । उनका अनुसार साहमा काेराेनाकाे लक्षण देखिएपछि पाटन अस्पतालमा परीक्षण गर्दा रिपाेर्ट पाेजेटिभ आएको थियाे ।
पाटन अस्पतालनमा उपचार हुँदै गर्दा स्वास्थ्य अवस्था गम्भिर बन्दै गएपछि उनलाई थप उपचारका लागि मेडिसिटी अस्पतालमा सारिएकाे थियाे । २ साताअघि मेडिसिटीमा भर्ना भएका साहकाे काेराेना रिपाेर्ट समेत नेगेटिभ आएको थियो ।
रिपाेर्ट नेगेटिभ आए पनि स्वास्थ्यमा परेकाे गम्भिर असरका कारण उनकाे निधन भएकाे अस्पताल स्राेतले जनाएकाे छ । धनुषा स्थायी घर भएका साहकाे सव अन्तिम संस्कारका लागि गृहजिल्ला लगिएकाे छ ।
साह २ वर्षअघि सरुवा भएर मध्य मर्स्याङ्दीमा पुगेका थिए । यहाँ आउनुअघि उनी माेदी खाेला जलविद्युत केन्द्रकाे प्रमुख थिए ।
