आकर्षक सुविधासहित नबिलले ल्यायो ‘नबिल ढुक्क बचत खाता’

काडमाडौं । नबिल बैंक लिमिटेडले आकर्षक सुविधासहित ‘नबिल ढुक्क बचत खाता’ बजारमा ल्याएको छ । बैंकले उच्चतम ब्याजदर र तीन वटा बिमा सुविधासहित यो बचत खाता ल्याइएको  हो । 

यस खातामा आबद्ध हुने ग्राहकले औषधीपचार बिमा बापत एक लाख रुपैयाँ, दुर्घटना बिमा बापत १० लाख रुपैयाँ र प्राणघातक रोग बिमा बापत तीन लाख ७५ हजार रुपैयाँ दाबी गर्न पाउने बैंकले जनाएको छ । त्यसै गरी यस खातामा निःशुल्क डेबिट कार्ड, क्रेडिट कार्ड, मोबाइल बैंकिङ, डिम्याट, तथा मेरो सेयरको सुविधा समेत पाउनेछन् । महिनाको ५ पटकसम्म अरू बैंकको एटिएमबाट पनि निःशुल्क पैसा झिक्न पाउने सुविधा यस खातामा रहेको छ । 

नबिलमा फोन लोनको सुविधा पनि यस खाताको विशेषता रहेको छ । साथै, लक्करको सुविधा पनि रहेको यस खातामा लक्कर पहिलो वर्ष निःशुल्क रहनेछ । दोस्रो वर्षबाट भने ५० प्रतिशत छुट दिने व्यवस्था गरिएको बैंकले जानकारी दिएको छ । ७.४० प्रतिशतको  उच्च ब्याजदर समेत रहेको ‘नबिल ढुक्क बचत खाता’ खोल्नका लागी ग्राहक वर्गले न्यूनतम एक लाख रुपैयाँ अनिवार्य जम्मा गर्नुपर्नेछ ।

दैनिक रूपमा काममा आउने बैंक सेवा तथा सुविधामा विशेष छुट दिने गरी ल्याइएको यस ढुक्क बचत खाताले ग्राहक वर्गका आवश्यकता पुरा गर्ने बैंकले विश्वास राखेको छ ।