ऊर्जा खबर
काठमाडौं । नेपाल विद्युत प्राधिकरणले एकैपटक डेढसय बढी कर्मचारीको सरुवा गरेको छ । प्राधिकरणले विभिन्न कार्यालयमा कार्यरत १५७ कर्मचारीको सरुवा गरेको हो ।
प्राधिकरणले तह ८ देखि तह १ सम्मका कर्मचारीहरुको सरुवा गरेको छ । ८ तहका ३ जना कर्मचारी सरुवा गरेको छ । सर्भे महाशाखा, आयोजना विकास विभागका सहायक प्रबन्धक आलोक न्यौपानेलाई ग्रिड सञ्चालन विभागमा सरुवा गरिएको प्राधिकरणले जनाएको छ ।
यस्तै, संस्थागत सुदृढीकरण आयोजना, अतिरिक्त : सम्पत्ति, र्भाैतिक परीक्षण मुल्याङ्कन आयोजनाका कम्प्युटर सहायक प्रबन्धक किरण चोधरीलाई सूचना प्रविधि विभागमा सरुवा गरिएको छ । यस्तै, श्रीराम खनाललाई रघुगंगा हाइड्रो पावर कम्पनीमा सरुवा गरिएको छ । यसअघि एसियन इन्फ्रास्ट्रकचर इन्भेसमेन्ट बैंकमा कार्यरत थिए ।
यस्तै, ७ तहका १९ जना, ६ तहकमा १०, ५ तहका ४४ जना, ४ तहका ४७ जना, ३ तहका २१ जना, २ तहका १० जना र १ तहका ३ कर्मचारीको सरुवा गरिएको छ ।
