ऊर्जा खबर
काठमाडौं । नेपाल विद्युत प्राधिकरणले धादिङमा निर्माणाधीन हुवासिन सिमेन्ट उद्योगमा विद्युत दिएकाे छ । प्राधिकरणले १३२ केभी मर्स्याङ्दी–स्युचाटार प्रसारण लाइन अन्तर्गत मलेखुमा स्वीचिङ स्टेसन निर्माण गरी लुपइन–लुप आउट गरी सिमेन्ट उद्याेगमा विद्युत दिएकाे हाे ।
मलेखु स्विचिङ स्टेसनमा सोमबार लोड दिएर चार्ज गरेपछि सिमेन्ट उद्याेगमा विद्युत पुगेकाे प्राधिकरण धादिङ वितरण केन्द्रका इन्जिनियर पुरुषोत्तम खड्काले बताए । उनका अनुसार स्वीचिङ स्टेसनदेखि सिमेन्ट उद्योगसम्मको १३ किलोमिटर १३२ केभी प्रसारण लाइन अहिले नो–लोडमा चार्ज गरिएको छ ।
उद्योगसम्मको प्रसारणलाइन सिमेन्ट उद्योगले आफ्नै खर्चले निर्माण गरेको हो । उद्याेग परिसरभित्र पनि १३२ केभीको सबस्टेसन निर्माण गरिएकाे छ । प्रसारण लाइन लोडमा चार्ज भएपछि सिमेन्ट उद्योगले २० मेगावाट विद्युत खपत गर्नेछ ।
उद्योगले अबकाे ३ साताभित्र परीक्षणत उत्पादन सुरु गर्दैछ । २ महिनाभित्र व्यापारिक उत्पादन सुरु गर्ने तालिका छ । याे सिमेन्ट उद्योगले दैनिक ३ हजार मेट्रिकटन सिमेन्ट उत्पादन गर्नेछ ।
नेपालमा भित्रिएको विदेशी लगानीका उद्योगहरू मध्ये अन्तर्राष्ट्रिय बजारमा सबैभन्दा प्रभावशाली उपस्थिति रहेको कम्पनीकोरूपमा हुवासिनलाई लिइएकाे छ ।
मलेखु स्विचिङ स्टेसनमा पावर ट्रान्सफर्मर जडान गरी धादिङ बेसी र जहरे लगायतका क्षेत्रमा विद्युत सेव पुर्याउने याेजना रहेकाे प्राधिकरणले जनाएकाे छ। अबकाे एक वर्षभित्र जिल्लामा पूर्ण विद्युतीकरण गरिसक्ने याेजना छ ।
