ऊर्जा खबर
काठमाडौं । माण्डु हाइड्रो पावर कम्पनी लिमिटेडले वैदेशिक रोजगारीमा रहेको नेपाली नागरिकहरूका लागि निष्कासन गरेको सेयर बाँडफाँड गरेको छ । कम्पनीले सरकारको सम्बन्धित निकायबाट श्रम स्वीकृति प्राप्त गरी विदेशमा बसी रोजगार गरिरहेका नेपालीहरूको लागि निष्कासन गरिएको सेयर बाँडफाँड गरेको हो ।
कम्पनीले वैदेशिक रोजगारीमा रहेकाहरूलाई १ लाख ३६ हजार ३ सय ६४ कित्ता सेयर निष्कासन गरेको थियो । जसमा १० कित्तादेखि १ हजार ५०० कित्तासम्म आवेदन दिने १३ हजार ६ सय ३६ आवेदकहरूलाई १० कित्ता, २० कित्तादेखि १ हजार ५ सय कित्तासम्म आवेदन दिने ५ हजार ६ सय ६५ जनामध्ये गोलाप्रथाबाट ४ जनालाई थप ४ कित्ता गरी जम्मा १ लाख ३६ हजार ३ सय ६४ कित्ता सेयर बाँडफाँड भएको हो ।
कम्पनीको सेयर धितोपत्र निष्कासन तथा बिक्री प्रबन्धक प्रभु क्यापिटल लिमिटेडको कार्यालय, कमलादीमा बाँडफाँड सम्पन्न भएको छ । कम्पनीको २२ मेगावाटको बगमती साना जलविद्युत आयोजना सञ्चालनमा छ । सञ्चलनमा रहेको बागमती साना जलविद्युत आयोजनाको कुल लागत ४ अर्ब १ करोड ९४ लाख ३७ हजार २५८ रुपैयाँ रहेको छ ।
.jpg)
