ऊर्जा खबर
काठमाडौँ । सिंगटी हाइड्रो इनर्जी लिमिटेडले फागुन २ गतेदेखि साढे १ करोड कित्ता हकप्रद सेयर निष्कासन गर्ने भएको छ । कम्पनीले आफ्ना सेयरधनी सदस्यका लागि छुट्याएको सेयर निष्कासन गर्न लागेको हो ।
प्रतिसेयर सय रुपैयाँ अंकितका दरले १ करोड ४५ लाख कित्ता हकप्रद सेयर निष्कासन गर्न लागेको कम्पनीले जनाएको छ । कम्पनीले १ः१ को अनुपातमा हकप्रद सेयर निष्कासन गर्न तयारी गरेको हो ।
इच्छुकले फागुन २२ गतेसम्म आवेदन दिन सक्नेछ । कम्पनीको सेयर निष्कासन गरी बाँडफाँड गर्न कुमारी क्यापिटल लिमिटेडलाई बिक्री प्रबन्धक तोकिएको छ । कम्पनीले दोलखामा २५ मेगावाटको सिंगटी खोला जलविद्युत् आयोजना निर्माण गरी सञ्चालन गरिरहेको छ ।
