ऊर्जा खबर
काठमाडौं । अन्नपुर्ण गाउँपालिकामा ५ मेगावाटको घलेम्दी खोला जलविद्युत आयोजना निर्माण गरी सञ्चालनमा ल्याएको घलेम्दी हाइड्रो लिमिटेडले हकप्रद सेयर निष्कासन गर्ने भएको छ । कम्पनीले ६३ मेगावाटको छुजुङ्ग खोला जलविद्युत आयोजनामा लगानी गर्न हकप्रद सेयर निष्कासन गर्न लागेको हो ।
आफ्ना सेयरधनी सदस्यहरूलाई १ः२ को अनुपातमा हकप्रद सेयर निष्कासन गर्ने तयारी गरेको कम्पनीले जनाएको छ । कम्पनीले सांग्रिला उर्जा प्रा.लि.द्वारा प्रवर्द्धित संखुवासभामा रहेको छुजुङ्ग खोला जलविद्युत आयोजनामा कम्तिमा ५१ प्रतिशत सेयर कायम हुनेगरी लगानी गर्न १ बराबर २ अनुपातमा हकप्रद सेयर निष्कासन गर्न लागेको छ।
विद्युत नियमन आयोगले हकप्रद सेयर निष्कासन अनुमति दिएपछि कम्पनीले साधारणसभा आह्वान गरेको छ । कम्पनीले बैशाख १६ गते हकप्रद सेयर निष्कासन विशेष प्रस्तावसहित साभारणसभा बोलाएको छ । साधारणसभाबाट पारित भएपछि सेयरधनीहरूमा हकप्रद सेयर निष्कासन गरी बाँडफाँड गरिनेछ ।
