ऊर्जा खबर
काठमाडौं । सिनर्जी पावर डेभलपमेन्ट कम्पनी लिमिटेडले गत आर्थिक वर्ष २०७७/७८ को मुनाफाबाट आफ्ना सेयरधनी सदस्यलाई बोनस सेयर र नगद लभांस दिने घोषणा गरेको छ । कम्पनीको गत २४ गते बसेको सञ्चालक समितीको बैंठकले लगानीकर्तालाई बोनस र लाभांस दिने घोषणा गरेको हो ।
सञ्चित मुनाफाबाट हाल कायम चुक्ता पूँजीको १० प्रतिशत अर्थात ७ करोड ३३ लाख २५ हजार रुपैयाँ बराबरको बोनस सेयर ०.५२६३ प्रतिशत अर्थात ३८ लाख ५९ हजार ९४ रुपैयाँ नगद लाभांश वितरण गर्ने घोषणा गरेको हो ।
त्यसैगरी, बोनस सेयर वितरण पश्चात कायम हुने चुक्ता पूँजीको ५० प्रतशित अर्थात २ः१ अनुपातमा हकप्रद सेयर निष्कासन गर्ने पनि घोषणा गरेको छ । कम्पनीको वार्षिक साधारणसभाले पारित गरेपछि बोनस र लाभांस वितरण गरिनेछ ।
कम्पनीले आव ७६/७७ मा पनि ४.७५ प्रतिशत बोनस सेयर र ०.२५ प्रतिशत नगद लाभांस दिएको थियो । कम्पनीको दोलखामा १० मेगावाटको सिप्रिङ खोला जलविद्युत केन्द्रले विद्युत उत्पादन गरिरहेको छ ।
यस्तै, कम्पनीले सोलुखुम्बु जिल्लामा निर्माण हुने २२ मेगावाटको होङगु खोलामा ४० प्रतिशत स्वपुँजी लगानी गर्ने भएको छ ।आयोजनाको प्राधिकरणसँग विद्युत खरिद सम्झौता सम्पन्न भई सानिमा बैंकको अगुवाईमा वित्तिय व्यवस्थापन सम्पन्न भएको छ ।
