ऊर्जा खबर
काठमाडौं । इलाममा २९ मेगावाटको दुई जलविद्युत् आयोजना निर्माण गरी सञ्चालन गरिरहेको सानिमा माई हाइड्रो पावरले विद्युत् बिक्रीबाट करिब ३३ करोड रुपैयाँ आम्दानी गरेको छ । कम्पनीले आर्थिक वर्ष २०८०/८१ को ३ महिनाको अवधिमा सो आम्दानी गरेको हो ।
साउनदेखि असोजसम्मको अवधिमा ३२ करोड ९८ लाख ७९ हजार १ सय ६८ रुपैयाँ आम्दानी गरेको कम्पनीले जनाएको छ । कम्पनीका अनुसार गत वर्षको तुलनाकामा विद्युत् बिक्रीबाट हुने आम्दानी बढेको हो । गत वर्ष ३२ करोड १७ लाख ३८ हजार ३ सय ९४ रुपैयाँ आम्दानी गरेको वित्तीय विवरणमा उल्लेख छ ।
कम्पनीले विद्युत् बिक्रीबाट आम्दानी गरेसँगै खुद नाफा पनि कमाएको छ । यो अवधिमा कम्पनीले ५ करोड ८३ लाख १८ हजार ६ सय ४८रुपैयाँ नाफा कमाएको छ । कम्पनीकाअनुसार गत वर्षको यही समयअवधिकाे तुलनामा खुद नाफा घटेको हाे । गतवर्ष कम्पनीले २३ करोड २४ लाख १९ हजार ९ सय ९४ रुपैयाँ खुद नाफा कमाएको वित्तीय विवरणमा उल्लेख छ ।
कम्पनीको इलाममा २२ मेगावाटको माई खोला र ७ मेगावाटको माई क्यासकेड जलविद्युत आयोजना निर्माण गरी सञ्चालन गरिरहेको छ । कम्पनीले हाल यी दुई आयोजनाबाट निरन्तर विद्युत उत्पादन गरिरहेको छ ।
